EM í æð

(Þetta blogg er eingöngu skrifað til að pirra þá vini mína sem hafa áhuga á fótbolta, ekki segja svo að ég hafi ekki varað ykkur við).  Hversu oft höfum við talað um að maður ætti að taka sér frí þegar EM eða HM stendur yfir?  Jú, líklega í hvert einasta skipti sem þessi mót eru haldin síðan við byrjuðum að vinna á sumrin, svona ca. fyrir 14 árum.  Hversu oft höfum við talað um að það væri gaman að fara á eitthvert þessara stórmóta? Örugglega á bilinu 500.000 - 550.000 sinnum, gróflega talið from the top of my head.

Af hverju er ég að rifja þetta núna?  Jú, vegna þess að ég er að fara í frí á miðvikudaginn sem mun vara framyfir úrslitaleikinn.  Híhíhí.  Ekki nóg með það, heldur verðum stórum hluta tímans varið í góðu yfirlæti hjá öndvegisfólki sem bauðst til þess að hýsa okkur rétt hjá Basel í Sviss!  Einhvern veginn held ég að leikirnir verði betri eftir því sem maður kemst nær þeim.  Er reyndar miðalaus og reikna allt eins með að láta mér duga að horfa á leikina á stóru tjöldunum þar sem einhverjir tugir þúsunda koma saman.  Það er svosem ekki hlutskipti til að kvarta yfir...

Hef hlakkað til þessarar ferðar lengur en ég get mögulega munað.  En jesús góður hvað ég er búinn að vera friðlaus frá því í gær! Það er hreinlega fátt sem toppar að horfa á fyrstu leikina í stórmóti og sjá fram á að eiga þrjár vikur af dýrðinni eftir!

Fór ískalt yfir stöðuna og reiknaði út í Excel að Þýskaland (aka Lið fólksins, aka Þýska stálið) verður Evrópumeistari í ár.  Þarna er ég auðvitað fyrst og fremst að tala útfrá þekktum staðreyndum og líkindareikningi, tilfinning hefur lítið með þetta að gera.  Portúgal verður andstæðingurinn í úrslitum og ekki mun vefjast neitt fyrir Klose að fá menn til að gleyma þessum Ronaldo strák sem ég get svosem viðurkennt að er orðinn þokkalega nothæfur leikmaður.

Sá nýju þýsku treyjuna í Jóa Útherja um daginn, ætlaði ekki að kaupa hana strax og spurði strákinn í búðinni hvort hún væri nokkuð alveg að vera uppseld.  Hann sagði svo ekki vera og bætti við að þetta væri nú ekki beint vinsælasta liðið! Merkilegt, en það gerir sigrana líka bara enn sætari. Hlakka einna mest til sigursins gegn Króatíu í 2.umferð, það er fátt skemmtilegra en að vinna liðin hans Ómars.

---
Þetta er orðið gott í bili af ódýrum skotum, sem betur fer er Mogginn ekki búinn að finna upp ennþá að lesendur geti kýlt mann í magann í gegnum athugasemdakerfið...

Athugasemdir

[Jói H (IP-tala skráð) 8.6.2008 kl. 11:57]

Ég efa nú að stemmningin í Sviss og Austurríki þetta árið nái þvílíkum yfirnáttúrulegum hæðum og hún gerði í Öxarfirðinum ´98. En reyndi nú samt að skemmta þér ágætlega heillakallinn minn.

P.S. Ég vil nú ekki hryggja þig en helstu vísindamenn heims þ.a.m. Sir David Attenborough, Stephen Hawking, Galileo Galilei og Björgvin Leifs hafa allir sagt að það sé ómögulegt að Króatar verði ekki evrópumeistarar. 

[Karl Hreiðarsson, 8.6.2008 kl. 23:21]

Það er auðvitað ekki hægt að bera neitt saman við Öxarfjörðinn '98, ég gæti vel hugsað mér að láta jarðsetja mig þarna við sólpallinn í þeirri von að endurupplifa eitthvað af helginni í efra (já eða neðra, best að vera raunsær, þessir 2-3 svörtu brandarar munu elta mann uppi).

[Aðalsteinn Jóhannes Halldórsson (IP-tala skráð) 9.6.2008 kl. 09:45]

2-3..................ja hérna!

Hvernig sem fer verður ekki hermt upp á mig að hafa ekki varað þig við þessum sótuðu bröndurum. 

[Ómar (IP-tala skráð) 9.6.2008 kl. 17:19]

Gaman að sjá að Króatar séu farnir að ná til fólksins.

Króatarnir koma vel hvíldir í leikinn gegn Þjóðverjum eftir að hafa gert það sem þurfti á móti Austurríki. Hálf vandræðalegt að horfa upp á þessi vínarbrauð reynandi allt hvað þeir gátu að skora. Króatar nenna ekki að eyða kröftum í að niðurlægja minni máttar lið eins og Austurríki, þeir spila alltaf best á móti stóru liðunum og þeir munu sýna nákvæmlega það seinna í mótinu.

Kalli, við Móksi vorum að tala um að við þyrftum að horfa á Þýskaland-Króatíu saman, hvað segirðu um það!?

kv. Mari

[Karl Hreiðarsson, 9.6.2008 kl. 17:22]

Það gengur illa upp nema þið kallarnir mætið til Sviss!  Ég fer semsagt þangað á miðvikudaginn

[Rannveig (IP-tala skráð) 10.6.2008 kl. 07:16]

Ég læt mér nægja að horfa á boltann með svisslending við hliðiná mér.. það hlýtur að vera næstum því það sama og að vera í Sviss! :) Ég var samt ánægðust með Hollendingana í gær.. skemmtu mér mun meira en Frakkarnir alla vegna :)

[Karl Hreiðarsson, 10.6.2008 kl. 11:08]

Sammála því Rannveig, en Holland mun brotlenda illilega þannig að ég mæli, geðheilsu þinnar vegna, að þú setjir traust þitt á öruggari spil, vestar í álfunni. 

Hafðu engar áhyggjur af því að missa af neinni upplifun, ég skal fara yfir það í smáatriðum í London hvernig þetta fór fram!