Árangursmæling síðunnar

Nú er í tísku að árangurstengja alla skapaða hluti sem er hið besta mál og mun þessi bloggsíða ekki vera  eftirbátur þeirrar bylgju.  Mælikvarðinn á árangur skrifanna verður þó ekki mældur í heimsóknum eða flettingum eins og tíðkast með vefsíður heldur verður fylgi Framsóknarflokksins í Þjóðarpúlsi Gallup lagt til grundvallar.  Það var við síðustu mælingu 7,6% og þannig þarf ég bara að auka fylgi Flokksins um 15,7% til að ná takmarkinu, fylgi Framsóknar í kosningunum 1995.  Ég gef mér 7 ár í að ná þessu takmarki, ef það tekst ekki mun ég að sjálfsögðu axla ábyrgð... eða taka gamla góða Villa á þetta og segjast ekki muna neitt.

Athugasemdir

[rölli (IP-tala skráð) 11.3.2008 kl. 14:09]

sælir nú

til lukku...

...uss 1995, það er langt síðan, hva?? 5 árum eftir að liverpool varð síðast enskur meistari..

mun fylgjast vel með

kveðjur

[Stefán Bogi Sveinsson, 11.3.2008 kl. 14:34]

Ef einhver getur þetta þá ert það þú.

[Snæþór Sigurbjörn Halldórsson, 11.3.2008 kl. 16:14]

Sammála frænda mínum hér að ofan.

Ég hef fulla trú á þér í þessu verkefni Karl. Held að það sé þó ráð að bæta inn öðrum mælikvarða á árangur síðunnar. Það er gengi hlutabréfa í Exista. Ef gengið fer upp í 45 eftir eitt og hálft ár héðan í frá þá hefurðu náð úrvals árangri.

[Karl Hreiðarsson, 11.3.2008 kl. 18:42]

Mig minnir að ég hafi samþykkt í skilmálum Moggabloggsins að þar væri ekki leyfilegt að tala vel um Kaupþing eða Exista þannig það gengi ekki upp, eða var þessi klausa í ráðningarsamningum blaðamanna Moggans?

Gott að hafa trú ykkar frænda á markmiðinu, nú er bara að vona að hringt verði í ykkur í Þjóðarpúlsinum f.mars!

[maddaman, 13.3.2008 kl. 23:52]

Verðugt verkefni hjá þér Kalli en Snæþór þyrfti eiginlega að leggja þér lið varðandi báða þættina.

Nágranninn hinum megin við götuna!